يصِرخ فينى صـوت البرد ..}}}

يصِرخ فينى صـوت البرد ..}}}

مدخل ..

أمد يدي
في فراغات الأماكن
كل شي جامد وساكن
المرايا .. والزوايا
صمتها بروحي شظايا
اسئله .. ودهشه .. وعتاب

ادق الباب
أناديهم
اسأل عن أراضيهم
ولا يجاوبني غير الصمت
أتساقط أنا ودمعي
وعذري إن الأمل كذاب

تعبت ارسم أساميهم
على بيبان أحلامي
وكلما أفتح اعيوني
أشوف الهم قدامي
مره بالوهم أفرح
ومره بالوهم أرتاب

واقول اصبر على لغياب
أفتح ذاكرة حزني
وكل أشيائي تسألني
متى يردون؟
وليه غابوا؟
وصدى صمتي يجاوبني

أكيد البعد له أسباب
أكيد البعد له أسباب

وادق الباب
أنا وصمتي
عيني في المدى ترحل
بعيد اهناك .. تظل تسأل
عن الي راحوا ما ردوا
وليه اغيابهم طول
وأنا وروحي .. وصدى بوحي
نضيع بسكة الأغراب

ويمر الليل
وعقبه م الأسى كم ليل
أحاول إني أتصبر .. واتكدر
أمرمر ليلي واتمرمر
أعطي للخيال اوعود
وانا والروح .. وبقايا اجروح
نتاني حلمنا الموعود
وما بيني و بيني .. يدور الصمت
يفز دمعي يصحيني
اتبعثر .. أتساقط
ألملم بعضي وكلي
واسألني أنا ويني؟
يجاوبني اليقين أرتاب
وعذري ان الأمل كذاب

ويطول الليل
وتطفيني قناديلي
يصرخ فيني صوت البرد
ولا أدفا
ولا أعرف .. بداية صبحي من ليلي
ولا ألمح
سوى أشباح مجنونه
تطوف بعتمة الأبواب

ألا يا مسبب الأسباب
متى ارتاح
متى ابصر
بعد ليلي .. بقايا صباح؟
اشوف وجهي
مراية حزن مكسوره
عليها من الأسى صوره
ابروزها باساميهم
واكتب تحتها سطرين
حبايب لو يردوا لي .. أتانيهم
ولا أشقى .. ولا أحزن .. ولا أرتاب

وادق الباب
وتتكوم ... اصابع حزني في يدي
وتشهق دمعتي وتموت
واسمع داخلي وحشه
كأني أحفر بتابوت
ويصرخ بي .. بقايا صمتي المكبوت
أكيد البعد له أسباب
أكيد البعد له أسباب

مخرج ..

تفتح أبواب الحلم
تشعل اشموعك ألم
ما تلاقي غير عتمه
وصمتك المكسور يبقى
يحضن أحلامك سراب ...

م / ن

شكرا على نقلك للكلمات الرائعة والمميزة

مشكورهـ على مروركـ المميز

مشكووووووره يالغلا ..~
لاعدمنـآآآآك ..~

تحــيـآآآتي .. ~

مـجـنـونـة مـجـنـونـي ..~

مشكورهـ على المرور المميز